العالي عالي في المصيدة ...

[N_tarawneh]

العالي عالي في المصيدة ...


في الحقيقة الموضوع عبارة عن مقلب تم تنسيقه بالإتفاق مع أخونا حسان وأبو الشرع للإيقاع في أخونا العالي من خلال Chat AL-Yahoo Messenger وعلى أثره تم الإيقاع بالعالي ، وسأقوم بنشر ما تم بالمحادثة بيني وبين أخونا العالي من خلال موضوع علما ً بأن النشر تم بموجب علم وموافقة أخونا العالي ...

شهادة حق :- لا بد من تقديم شهادتي بشأن أخونا العالي قبل نشر ما تم في المحادثة ...

في الحقيقة تبين لي بأن أخونا العالي إنسان يحمل قلب أبيض ونقي ، وخلال مدة المحادثة كاملة والتي تجاوزت الساعتين اكتشفت بأنه يتمتع بسعة صدر كبيرة وطول بال قلما نجدها عند البعض .

واليكم المحادثة كما تمت بيني وبينه على أربع أجزاء ...

[N_tarawneh]

Buzz!!!

أنا: صباح الخير يا عالي ...

العالي: صباح الفل

العالي: مين معي

أنا: احزر مين معك

أنا: ؟؟؟

العالي: مين

أنا: أنا أبو البنت التايلندية إلي إنت مزعلها ...

العالي: مين ابو البنت

العالي: ما عرفتك

أنا: من تايلند ...

أنا: ليش هيك بتزعل البنت يا عالي ...؟؟؟

العالي: انت اكس مان

أنا: مين إكس مان ...؟؟؟

العالي: مين انت لعاد

أنا: انا الهكر إلي سرفت إميلك ...

العالي: طيب انت من وين بتعرفني

أنا: اسأل نفسك ...؟؟؟

العالي: ما بعرف

العالي: وانا بعمري ما حكيت مع بنت تايلندية

أنا: اذكر شو عملت قبل أكم يوم ...؟؟؟

العالي: لا والله

العالي: ممكن تذكرني

أنا: لا حكيت وازعجتها وسببت إلها إحراج أمام أهلها وخطيبها

أنا: مش انت من الأردن ...؟؟؟

العالي: نعم من الاردن

أنا: بس أنا إلي بعرفه إنه أهل الأردن ناس كويسين ما بزعجوا التايلنديات

العالي: والله انت فاهم غلط

العالي: انا بعمري ما حكيت مع بنت تايلندية

العالي: يمكن الموضع فيه غلط

أنا: يا سيدي مش تايلنديه ما علينا ، ذاكر شو الغلط إلي عملته قبل أكم يوم أو اسبوع تقريبا ً

العالي: اعتبرني اني ناسي ممكن تذكرني انت

أنا: لا ما لازم تنسى حاول إذكر مزبوط ...؟؟؟

العالي: اقسم بالله اني مش متذكر

العالي: احكي انت خلينا نفهم الموضوع

أنا: قبل اسبوع او اقل من اسبوع مش في بنت انت بتعرفها على الياهو وحكتلك اكثر من مرة
انساني وانت ما رضيت وضليت تزعجها ...؟؟؟

أنا: عادي كون صريح معي ..؟؟؟

أنا: طبعا ً هيه من أصل تايلندي

العالي: لا والله

أنا: اذا ً مزبوط ...؟؟؟

العالي: اقسم بالله العظيم انو هاد الحكي ما صار

العالي: انا متذكر

أنا: وصرت تهدد وتسب عليها مزبوط ...؟؟؟

العالي: بعمري ما حكيت مع بنت تايلدنية

أنا: طب مش تايلنديه ، اذكر البنت إلي أزعجتها ...؟؟؟

العالي: على الياهو

أنا: نعم

أنا: على الياهو

العالي: لا ما صار هاد الحكي

العالي: إلى موصلك الحكي بكون غلطان

أنا: طب شو الي صار ...؟؟؟

أنا: انت عارف البنت أبوها شو بصير ؟

العالي: يا ابن الحلال انا ما بفتح الياهو كتير وانا متأكد مليون بالمية انو مش انا

العالي: شو بصير

أنا: أكون صريح معك أكثر ...

أنا: أبوها بكون رجل أمني كبير

أنا: ويكون بعلمك بياناتك والمكان إلي بتشبك منه كلها صارت معروفه وفي إجراء قانوني يتخذ بشأنك ...

العالي: على عيني وراسي

العالي: بس والله الموضوع فيه غلط

أنا: بعد ما يطلبوك للتحقيق رح يبين اذا كان في غلط أو لا يعني الشغلة بسيطة جدا ً

Buzz!!!

العالي: معك

العالي: طيب انا هس شو المطلوب مني

أنا: المطلوب منك تحكيلي القصة من اساسها ومن الممكن هالشغلة تكون لصالحك

العالي: انو قصة انا ما بعرف عن شو بتحكي ولا بعرف بنت ولا بعمري حكيت مع بنت على الياهو

أنا: لا تحلف في الله يا أخي الموضوع صار وانتهى ، طب مين الشخص إلي كان يشبك من نفس المكان الي انت بتشبك منه ...؟؟؟

Buzz!!!

العالي: إلى بشبكو من عندي ناس كتير

أنا: اها

العالي: انت قصدك مين حكي عن طريق ايميلي انا

أنا: نعم عن طريق إميلك والمكان الي كنت تشبك منه ورقم الـ Ip الخاص فيك

أنا: يبدو انه القضية متشعبه من جهتك

العالي: شباب مصريين

أنا: كيف شباب مصريين مش فاهم

العالي: يعني شباب مصريين بدهم يحكو مع أهلهم بحكو من ايميلي

أنا: يا أخي البيانات الموجودة عندي بيانات من الاردن مش من مصر

أنا: انت شو بتشتغل ؟

العالي: بعرف

العالي: انا من الاردن

العالي: بس بحكيلك سباب مصريين موجودين بالاردن بدهم يحكو مع أهلهم

أنا: ما انا بعرف انك من الاردن

أنا: طب فهمني شو جاب الشباب المصريين لعندك ؟

العالي: انا فاتح محل نت

أنا: احكي الصراحة

أنا: اها

أنا: احكيلي هيك من الاول

العالي: وضحت الصورة

أنا: اوكي وضحت الصورة

أنا: بس الأن بدي اوجهلك اسئلة وانت جاوب ...؟؟؟

أنا: انت قديش عمرك ؟

العالي: ليش كل هاي الاسئلة

أنا: بس انت جاوب صدقني هاي الامور لصالحك

العالي: 24

أنا: شو اسم الكوفي نت الي عندك؟

أنا: وين مكانه ؟

العالي: انت شو بدك بالضبط

أنا: يا اخي بعد شوي رح احكيلك كل أشي لا تستعجل

العالي: اخي

العالي: ما بدي احكيلك

العالي: وشو بدو يصير يصير

أنا: اخي العزيز افهمني ارجوك

العالي: اتفضل

أنا: بس بدي اسم الكوفي نت وين مكانه من شان احكيلك شو القصة ؟

أنا: لانه بصراحة القصة عويصه شوي ورح تضرك وبوعدك رح اعمل اشي يطلعك من المشلكة

العالي: شو بدو يصير يعني

أنا: ان شاء الله ما رح يصير أشي

أنا: اخي العزيز بصراحة موضوعك كبير كثير والآن رح يصير اجراء قانوني بحقك

أنا: يعني من هون لأربع ايام بالكثير رح يتم القاء القبض عليك والتحقيق معك

يتبع >>>>>>>>>>>>>

[N_tarawneh]

العالي: وانت يعني إلى بدك تحل الموضوع

أنا: إفهمت الان ليش انسرق اميلك ، اميلك إنسرق من شان نعرف بياناتك وعرفنا بياناتك كاملة

أنا: صدقني رح اساعدك وان شاء الله رح ينحل الموضوع

أنا: وبوعدك خير

أنا: بصراحة انا حسيتك انسان طيب

العالي: انت احسن

أنا: ومش حاب يصير فيك الشيء الي رح يصير

أنا: يا ريت تكبر خطك شوي لانه عيوني بوجعوني بدي اعرف شو بتكتب بشكل اوضح

أنا: ؟

BUZZ!!!

العالي: اوك

العالي: منيح هيك

أنا: اوكي تمام ...

أنا: احكيلي هسى كل أشي عنك ؟

أنا: وينك ؟

أنا: ليش بتجاهلني يا اخي

العالي: معك

أنا: انا كل الي بعمله من شانك

أنا: طب احكي

العالي: معك

العالي: شو بدي احكي

أنا: يا اخي لا تفهم اني بحقق معك انا بدي اعرف عنك معلومات حتى اقدر اساعدك وشو الي عملته بالضبط ؟

أنا: صدقني الي عملته رح يضرك كثير

العالي: انا ما عملت اشي

أنا: بس انا بدي اساعدك

أنا: يا اخي لا تحكي ما عملت شي

العالي: يا زلمة انا ما عملت شي ومش خايف من اشي

أنا: الرسائل الي في اميلك انشافت وتصورت وتم اخذ نسخ عنها وضمها في ملف القضية

العالي: هههههههههههههههههههه

أنا: يا اخي انا مش الهدف اني اخوفك لا سمح الله انا بدي اعرف منك بجوز تكون مظلوم وبصراحة انا حاسس إنك انسان طيب

العالي: اي قضة

العالي: انت عملتها قضة

أنا: طبعا ً يا اخي انتي عليك قضية امنية كبيرة

أنا: ويبدو انك مش مستوعب الموضوع او مفكرني بمزح

أنا: انت حر

أنا: انا رح اتركك الآن وبعد اكم يوم لما تيجي لعنا رح اعرّفك على نفسي واحكيلك انه انا الي شبكت معك على الشات وحاولت اساعدك بس انت ما رضيت تساعد نفسك

العالي: وبعدين انت بتحكي انو صارت عند الجهات الامنية كل المعلومات عني

العالي: ليش بتسالني لعاد

أنا: بصراحة هالشي من شأني أنا ، لانه انا بحكي معك متطوع من ذات نفسي ، ولو يعرفو اني اتصلت فيك رح انحرج وانا حبيتك بصراحة لانك شب محترم وحاب اساعدك في الي بقدر عليه

العالي: تسلم

أنا: الله يسلمك

أنا: انت وين كنت امبارح ؟

العالي: بشغلي

أنا: بالزرقاء ؟

العالي: نعم

أنا: شو اسم محلك ؟

العالي: الافغاني

أنا: بس المحل مش باسمك يا اخي مزبوط ؟

العالي: لا بياسمي

أنا: محلك مسجل في السجل التجاري /غرفة التجارة ؟

العالي: لالالالالالالا

أنا: مرخص في البلدية؟

العالي: لالالالالالالالالالالا

أنا: انت اشتريت المحل من واحد مزبوط ؟

أنا: لانه المحل اله اسم تجاري قديم باسم شخص ثاني

العالي: لالالالالالالالالا

أنا: شو الي لا ؟

أنا: اسمع يا اخي

أنا: يبدو انك ما بدك تساعد نفسك وانت حر

العالي: انت إلي بدك اعطيك جواب على كيفك

أنا: يا اخي في أمور انت ما بتعرفها انابسألك وانت بجاوبني بشكل اعتباطي وكانك بتتخوث

العالي: انا ما بتخوث

أنا: اذاً خليك صريح معي واحكي كل اشي ؟

العالي: انا صريح

أنا: طب يله احكيلي كل أشي عنك ؟

العالي: متل شو

أنا: اسمك ، اسم محلك بالضبط ، وعنوانك وين بالزرقاء ، انا بدي اعمل مقارنة بس...؟؟؟

أنا: وليش بتورط حالك في أمور ومشاكل بجيبلك وجع الراس ...؟؟؟

العالي: يا زلمة إلى كاتتبو الله بدو يصير

أنا: اكيد بده يصير

أنا: بس الواحد بقدر يساعد نفسه وبعدها بتهون

أنا: يعني بصراحة اكبر انت متورط بقضية كبيره كثير

العالي: قضة شو

العالي: قضية شو

أنا: يا رجل بعدك بتسأل ؟

أنا: انت اساءت لناس مهمين كثير بنت مسؤول كبير والرجل ادعى عليك على مستوى كبير يعني فوق فوق

أنا: مش فضية عادية

العالي: ول ول ول

العالي: شو انت مفكر حالك بتحكي مع ولد صغير يمكن

أنا: يا اخي افهمني ارجوك

العالي: اتفضل

أنا: انت ليش مستبعد انه كلامي يكون صحيح ؟

أنا: ليش بتتعامل معي وكأني بتخوث عليك

العالي: انت الخير والبركة

العالي: بس انا عارف حالي ما عملت شي غلط

أنا: الله يبارك فيك يا رب

أنا: احكيلك بصراحة انت عامل أشي اكبر من الغلط بذاته

أنا: تساعد معي من شأن اساعدك

أنا: انا ما بمزح يا أخي

العالي: اوك

أنا: اوكي شو ؟

العالي: شو بدك تعرف

أنا: احكيلي كل أشي عنك ؟

أنا: وشو الي صار بالضبط ؟

العالي: ما صار شي

أنا: بعدك مصر ؟

العالي: مصر على الصح

أنا: اي صح ...؟؟؟!!!

أنا: طب بتقدر تقنعني كيف انسرق إميلك وليش ؟

العالي: مش اول مرة

العالي: بنشرق

[N_tarawneh]

أنا: ماشي احكيلي كيف انسرق اخر مرة ؟

أنا: ومتى ؟

أنا: وليش ؟

أنا: وكيف الطريقة الي انسرق فيها الاميل ؟

العالي: انا ما بعرف شغلات الهكر هاي

أنا: طب شو الي صدر منك تجاه الشخص الي سرق إميلك حتى يسرقه إلك ؟

العالي: شب مصري كنت على خلاف معو

أنا: شو طبيعة الخلاف لانه هون مربط الفرس

العالي: عشان بنت مصرية

أنا: وانا بصراحة لانه ممصري بدي اتعاون معك لانك بضل قرابتي

أنا: اها

أنا: شو قصتك مع البنت المصرية ؟

أنا: لانه مربط الفرس عن البنت المصرية

العالي: شو علاقة البنت المصرية بالموضوع

أنا: بعدين رح تتوضح إلك الصورة

أنا: لا تستعجل

العالي: بس انا حاب اعرف هس

أنا: يا اخي الموضوع مترابط انت احكي الي عندك من شأن انا أكمل من عندي وتتوضح إلك الصورة ؟

أنا: لا تكون عنيد وتيجي على راسك بالتالي ، هيك احنا اهل الاردن عنيدين الله يسامحنا بس

العالي: ما عندي اشي احكيه قبل ما اعرف شو الموضوع

أنا: يا رجل من شأن الله استوعب ، ما رح احكي الي عندي إلا أسمع منك حتى توصلك الفكرة صح وتعرف شو الموضوع بالضبط مع انه الموضوع شائك بالنسبة إلك وعقباته كبيره بس رح تهون وحياتك

العالي: يا شيدس ان هانت هانت وانا ما هانت بلاش

العالي: بتحب تحكي احكي ما بتحب بلاش انهي الموضوع احسن بكون

أنا: طب احكيلي شو طبيعة العلاقة الي بينك وبين البنت المصرية وهيه فتحتلك مجال تتعرف عليها ول لا ومن وين عرفتها ؟

العالي: كنت بعرفها على النت وكنت على علاقة معها وبعدين تركتها

أنا: بالنسبة الي عادي جدا اذا بدك هلأ بنهي كل أشي انا ما علي أشي بس انا حبيت اساعدك واعرف منك كل أشي قبل ما تيجي وتحكي بطرق أخرى .

أنا: اذاً البنت المصرية كانت فاتحة إلك مجال ؟

العالي: نعم

أنا: قديش كانت مدة العلاقة ؟

العالي: شهرين

أنا: انت بتعرف البنت المصرية بنت مين ؟

أنا: ابوها شو بتشغل ...؟؟؟

العالي: لا والله ما بعرف

العالي: مين يعني

أنا: يا سيدي البنت بتصير بنت اللواء مُحي محمد حسنين / ملحق عسكري على مستوى كبير

العالي: طيب وبعدين

أنا: يبدو انه والدها كاين يراقب خط الانترنت الخاص فيهم في مصر

أنا: وكاين يشوف كل أشي بينكم من رسائل وشات وغيره

العالي: اه

أنا: والبنت أمها مطلقة وعايشة عند امها في مصر وامها بتكون بنت رئيس وزراء مصري سابق عام 1975 يعني كمان أمها واصله

العالي: شو بدي اعملبها انا

أنا: ويبدو في مشاكل كبيرة بين والد البنت وأمها من شأن البنت نفسها و والدها بده يوخذها وامها رافضه

أنا: فكاين والدها يراقبها عبر الانترنت ويشوف بنته شو بتعمل

العالي: حقو

أنا: طبعا ً حقه وبعد ما شاف إلي شافه من بنته لقاها حجة حتى يوخذ البنت من عند أمها

أنا: بس انت الان في ورطة

العالي: ليش بورطة

أنا: الرجل رافع على زوجته دعوى اخلاقية على اساس انه اخلاق بنته صايره فاسده ومقدم الرسائل الي كانت تصير بينكوا في ملف القضية طبعا ً بعد ما عرفوك

أنا: والان انت اصبحت طرف في القضية وبلغوا وزارة الخارجية بالموضوع

أنا: وانت الان رح تُستدعى في أسرع وقت ممكن

العالي: هاد فلم هندي صاير

أنا: اقلك انا أسف على كل أِشي حكيته معك يبدو انك بتتخوث ومش عاجبك كلامي

أنا: أنا اسف

العالي: ولا يهمك

العالي: عادي

أنا: انا ما بهون علي تكون ضحية لواحد مصري هوه وزوجته حتى لو شو ما كان

أنا: بنضل قرايب

العالي: تسلم اصيل

أنا: وبعدين لما اسألك ضلك جاوبني بصدق...؟؟؟

أنا: لما اسألك إنك في الزراقاء احكيلي انا مش في الزرقاء انا في الحصن حتى أثق فيك أكثر

العالي: ههههههههههه

العالي: وين بالحصن يا شاطر

أنا: اسمع يا قاضي

[N_tarawneh]

أنا: انا بعرف انك بالزرقاء

العالي: اتفضل

أنا: وانت من عائلة القاضي من احسن الناس

العالي: انت شو بدك بالضبط

أنا: الي بدي اياه

أنا: طز في المصري

أنا: ورح اساعدك في القضية

أنا: وانا مابهون علي يصير فيك هيك

أنا: وخاصة انه السفارة المصرية كتبت لوزارة الخارجة جلبك للتحقيق معك في محضر تحقيق سري عن طريق جهة أمنية لم تُحدد بعد

أنا: ويبدو معالي وزير الخارجة وجه كتاب للجهات الأمنية المختصة

أنا: شو بدك تساوي الان ؟

العالي: يعني بعد إلى حكيتو شو بدي اعمل

أنا: بصراحة انت رح يتحقق معك واحتمال تنحبس على الاقل من سنة ونص إلى 3 سنوات

أنا: بتهمه افساد العلاقات بين بلدين شقيقين

أنا: بصراحة هالشي بحقك ظلم

أنا: ومش قانوني

العالي: ههههههههههههههههه

العالي: حلوة هاي عجبتني

العالي: انا صاير مهم وانا ما بعرف

أنا: يعني علاقتك مع البنت المصرية علاقة عادية جدا ً حتى لو كانت من دون حدود ما إلها علاقة بالعلاقات بين الدول

أنا: بس شو بدك تساوي حكم القوي خاصة انه ابوها زلمه واصل واله علاقات كثيره

أنا: خاصة اذا قضيتك استلمتها جهة أمنية كبيرة

أنا: أضحك على راحتك أضحك

العالي: يا زلمة عادي

أنا: يبدو انك ماخذ الأمر عادي وبشكل طبيعي ...!!!

أنا: انا الي عندي حكيته

أنا: نسيت احكيلك

أنا: كل الشات والرسائل والتسجيلات الي كانت بينك وبين البنت موثقه ومش لصالحك

العالي: العمر واحد والرب واحد

أنا: والنعم بالله والله يعطيك طولت العمر بس شو بسوى العمر اذا انحبست ليك في السجن 3 سنوات

أنا: مش مشكلة بنضل قرايب

العالي: تسبم

أنا: شو ؟

العالي: تسلم

أنا: الله يبارك فيك

أنا: بكره بعد الساعة 10 الصبح احتمال يجي عليك مجموعة من الشباب في سيارة بيضاء انا ما رح اكون معهم بس رح اوصيهم ما يزعلوك

أنا: وبعدها رح تجيني على الدائرة وتشوفني وتتعرف علي

العالي: بتشرف بمعرفتك

أنا: بس اذا ضايقوك الشباب لا تزعل تحمّل وانا رح احلها إن شاء الله

العالي: انشاء الله

أنا: انا الي بعرفه انك بضل في المحل للصبح والشارع الي انت فيه في الزرقاء موجود فيه محلات نت كثير مزبوط ؟

العالي: مش فاهم عليك

أنا: أخ محمد بكرة رح تفهم كل أشي

أنا: ولا أقلك رح افهم هسى

أنا: انت إنسان طيب ومحترم

العالي: انت احسن

أنا: وانا بصراحة حبيتك ...

العالي: هاد من زوووووووووؤك

العالي: اتفضل احكي

أنا: وبتمنى منك تكون قد المسؤولية الي رح تواجهها

أنا: وما تزعل مني إذا قسيت عليك شوي

أنا: انا مبسوط فيك وبصداقتك

أنا: واسمحلي أحكيلك رغم انك مشاكس شوي

العالي: انا اكتر

أنا: إلا إنك بتحمل قلب أبيض

أنا: ولهذا السبب حبيت اوقعك في هالمقلب

أنا: وبتمنى ما تزعل

أنا: انا نادر الطراونة هههههههههههههههههههههههههههههه

أنا: وتشرفت بمعرفتك

أنا: بس بالأمانة عيلك قديش درجة حرارتك ؟؟؟

العالي: 

العالي: Your buddy hacool Emoticons sent you a cool Emoticon, click http://www.asp&refileyh?im=Yahoo=Yah...77)(0)%5c@TCEE


ملاحظة :- الرابط في الاعلى / عبارة عن صفحة ياهو مزورة تستخدم لسرقة الإميلات يعني شغل هكر بسيط / بعد ما عصب العالي ارسلها إلي حتى ادخل عليها ويسرق إميلي بس ما زبطت معه وانا عطلت الرابط ...هههههههههههههههههه

أنا: شو مالك ...؟؟؟

أنا: هاظا الرابط مسامحك فيه هههههههههههههههههههههه

العالي: هههههههههههههههههههههههههههههههه

أنا: احكيلي ؟؟؟

العالي: والله مقلب من الاخر

أنا: زعلان ؟؟؟

أنا: هههههههههههههههههههههه

العالي: لا والله

العالي: هههههههههههههههههههههههههههههه

أنا: بدك تسرق إميلي ؟؟؟؟ ههههههههههههههههههه

العالي: حلوة منك

العالي: هاي واحد صفر

أنا: فرصة سعيدة أخ محمد

[N_tarawneh]

سامحنا يا عالي تعيش وما توكل غيرها ...

[حسان القضاة]

هههههههههههههههههههههههههههههههه

والله وصادك نادر يالعالي عالي ..وشربت المقلب ...صحتين على قلبك وتعيش وتوكل غيرها

وانا بشكرك على سعه صدرك .........

نادر مقلب من الآخر ..هههههههههههههه .. يا رجل تجربه لازم تعمم ..الرجل ما ظل عند اعصاب ..
الشغله صارات امن دوله ............

[N_tarawneh]

هههههههههههههههههههههههههههههههه

والله وصادك نادر يالعالي عالي ..وشربت المقلب ...صحتين على قلبك وتعيش وتوكل غيرها

وانا بشكرك على سعه صدرك .........

نادر مقلب من الآخر ..هههههههههههههه .. يا رجل تجربه لازم تعمم ..الرجل ما ظل عند اعصاب ..
الشغله صارات امن دوله ............

ههههههههههههههههههههههههههههههه


شكله مختفي الليلة من اللحظة إلي نزل فيها الموضوع أختفى ...

سامحنا كمان مرة يا العالي وأحلى أغنية مني إهداء إلك ...

عصفور طل من الشباك ...

[حسان القضاة]

ههههههههههههههههههههههههههههههه


شكله مختفي الليلة من اللحظة إلي نزل فيها الموضوع أختفى ...

سامحنا كمان مرة يا العالي وأحلى أغنية مني إهداء إلك ...

عصفور طل من الشباك ...

جاري تحميل الاغنيه تضامنا مع العالي عالي ........شكرا نادر على الاغنيه ..والعالي عالي قلبه كبير .. وانته اخذت اذنه ............ بس صارت عزاره وعليها شهود

[ابوالشرع]

تحية طيبة للعالي

الصراحة يا جماعة الخير العالي جوهرة من جواهر المنتدى

و بعد زيارة العالي لي اكتشفت انة ذو قلب واسع و ابيض نادر الوجود هذة الأيام

و بدكو الصراحة .... ما بستاهل اللي صار فية

بس شو بدنا نقول يا اخوي يا عالي ..... تعيش و ما توكل غيرها !!!!!

و بتمنى من اخوي العالي زي ما انا متأكد منة انة هاض المقلب و لا راح يأثر فيه

يا جبل ما يهزك مقلب ..............

ودمت بكل ود يا عالي

و العالي عالي 4 ايفرررررر