تُراهات ما قبل النوم ...

[غسان]

خطبة الجمعه ..

كل يوم جمعه يوم مميز .. من الصبح فطور مرتب من ايدين الوالده بعدين بتقعد مع اهلك واخوانك تشربوا قهوة حتى يجي موعد الصلاه .. بنروح على الصلاه .. عادة كنا نروح نصلي بالمسجد الي بيخطب فيه الشيخ نوح القضاه .. تروح تسمع خطبه ممنوع تشرد فيها او تنطلق ببنات افكارك ولو للحظات .. تركيز عالي وخطبه غير شكل .. انتقل الشيخ نوح وسكن بعمان وبلشنا نعاني .. صرنا نصلي بمسجد قريب من البيت ... طلع يخطب شب متحمس شوي ما شاء الله عليه .. بلش بالخطبه امبرياليه ... والفاتح من ايلول ... انا ركزت معه شوي احاول اشوف لوين بده يوصل اخر شي فهمت انه الخطبه كانت تحكي عن معمر القذافي .. وانا شو بدي بمعمر القذافي.؟؟ بعديها باسبوع .. الامبرياليه واميركا .. وشوي يشرق ويغرب وانك تفهم عليه شو بده ... مع محاولات شديده للتركيز لكن للاسف ما فهمت ... ومعظم الموجودين نايمين لانهم مش فاهمين اشي ..

غيرنا المسجد ..مسجد ثاني بلش الشيخ يخطب شوي يحكي فصحى مكسر خرب بيت قواعد اللغه العربيه .. وشوي يحكي بالعاميه .. حسيت حالي قاعد مع ختيار عمره 90 سنه وبيعطي نصائح باسلوب مضحك حتى ما يمل المصليين.. وبعديها بلش يعطي معلومات خطأ .. اكثر من 5 - 6 معلومات خطأ بنفس الخطبه ... منها على ما اذكر ... بيحكي عن حديث للرسول (ص) .. بما معناه من يصل رحمه يطل عمره .. فصار يحكي (( رب العالمين لما يكتبلك قديش بدك تعيش .. بكتبلك مثلا 60 سنه .. مع احتمال التمديد .. اذا وصلت رحمك ... بمددلك اياهم 5 سنوات زياده .. )) انا ما ظلش فيه عقل .. هاذ شيخ بيخطب جمعه وفي 100 ولد صغير بيتعلم .. خرب بيتهم .. يعني الله سبحانه وتعالى مش عارف انه انته رح تصل رحمك ولا لأ .. حتى يمددلك بعدين .. اصلا تفسير الحديث كله خطأ .. لانه المقصود البركه بالعمر ..

غيرنا المسجد .. الخطيب كويس بس خطبته ما بتجذب .. مجرد سرد معلومات .. اليوم بخطبة الجمعه اول 10 دقايق بجوز انا سارح قاعد بفكر شو بدي انزل على الفصل الاول فجأه بلش يحكي الشيخ عن المباريات .. انتبهت .. افتى الخطيب انه المباريات حراااااااااااام .. من مبدأ مضيعة الوقت .. وبعدها حول على نتائج التوجيهي وعن الالعاب الناريه الي افتى برضه انها حرام ولا تجوز بأي وجه من الوجوه .. وبعدها بعد ما كمل بلش يدعي ... وصار يدعي بهلاك كل واحد غير مسلم .. مش متذكر شو الصيغه الي حكى فيها مع انه كررها اكثر من مره ... وهاي مش بس هوه بيدعيها معظم خطباء المساجد الي سمعتلهم ... بصير احنا نتوجه لرب العالمين بهلاك كل شخص غير مسلم .. المفروض ندعيلهم بالهدايه مش بالهلاك ... ؟؟!!! او ندعي اللهم انصرنا على اعدائنا ... مش شرط كل واحد مش مسلم يكون عدونا ... على فكره جيران المسجد مسيحيين شو بدهم يحكوا لما يسمعونا بندعي عليهم .. طبعا كل الناس الموجودين بحكوا امين .. انا شخصيا ما حكيت امين لانه مش مقتنع بدعائه انه حلال او بصير .. مع انه امام مسجد وخطيب .. مع احترامي الشديد ...

خطبة الجمعه كثير مهمه لكل مسلم ..والقضايا الدينيه قضايا حساسه جدا.. والفتوه مش اي حد بيجي على باله يفتي بيفتي .. الاطفال والناس المفروض يكتسبوا ويتعلموا من خطبة الجمعه امور دينهم الي بتهمهم وبتفيدهم .. لذلك لازم يكون في ناس مؤهله تخطب الجمعه مش اي حدا بنتخي يقوم يخطب .. حرام تضيع خطبة جمعه بدون ما يستفيد الواحد منها اشي ... والمصيبه انه يكتسب منها اشي غلط .. لازم يلاقوا حل .. كل سنة ابصر كم الف خريج شريعه بيتخرج .. وينهم ..؟؟؟ مش همه اولى ..على الاقل ما رح يحكولنا اشي غلط ..

وبعديها بنروح من المسجد .. احيانا كثير بكون مزاج الواحد معكر من الي شافه وسمعه من اخطاء لا تليق ... واحيانا قليله بكون مبسوط .. استفاد شي جديد .. ويمشي يوم الجمعه وبيخلص .. والجمعه الي بعدها نفس السيناريو .. عسى ان يحدث التغيير ...

كأني طولت ..

[mohammad qasaimeh]

[align=center]
بصراحة اول ما قرأ العنوان حكيت بحالي شو مال غسان و كنت بدي اكتبلك : الموضوع غير قابل للنقاش

لكن بعد ما قرأت الموضوع كله فهمت قصدك

صحيح الموضوع هالمره اله علاقة بالدين و أحنا اكيد مش مختصين بهالشي ، بس ثقافتنا الدينيه بتسمحلنا نكتشف الاخطاء اللي حكيت عنها غسان

لي عوده لنقاش مطوّل ، الموضوع عجبني ..
[/align]

[Ahmad zo3bi]

بالفعل اغلب الخطب اللي بحضرها بمسجدنا خطب مكررة ومعلومات قديمة وما في تغيير ولا مرة اقنعتني خطبة ...فلسفة اسلامية ما عندهم ...افكار جديدة ما في ...مواضيع مهمة ما في والكل بمل والدليل اغلب المصلين بناموا او بصيروا يلعبوا بسجاد المسجد .... اليوم مثلا كانت الخطبة عن اقليم تركستان وكيف الصينيين بعذبوا الناس المسلمين اللي بشكلوا اغلبية سكان الاقليم وبالاخر حكى لو العالم العربي يقاطعوا المنتجات الصينية يوم واحد احتجاجا على الظلم اللي بتعرضوله المسلمين بالاقليم ....بعدين صفن وصفن ومسك ثوبه وحكى ما هي الاواعي اللي لابسينها صينية ...اقم الصلاة ...اذا هو نفسو مش مقتنع باللي حكاه

[غسان]

[align=center]

بصراحة اول ما قرأ العنوان حكيت بحالي شو مال غسان و كنت بدي اكتبلك : الموضوع غير قابل للنقاش

لكن بعد ما قرأت الموضوع كله فهمت قصدك

صحيح الموضوع هالمره اله علاقة بالدين و أحنا اكيد مش مختصين بهالشي ، بس ثقافتنا الدينيه بتسمحلنا نكتشف الاخطاء اللي حكيت عنها غسان

لي عوده لنقاش مطوّل ، الموضوع عجبني ..

[/align]

لا لا بعدني بعقلي
صحيح يا محمد احنا مش مختصين بالدين .. بس عنا معرفه بتخلينا نميز شو الصح وشو الخطأ .. وغلط نظل ساكتين عن اخطاء وتجاوزات واضحه وظاهره ..

بانتظار عودتك ..

[غسان]

بالفعل اغلب الخطب اللي بحضرها بمسجدنا خطب مكررة ومعلومات قديمة وما في تغيير ولا مرة اقنعتني خطبة ...فلسفة اسلامية ما عندهم ...افكار جديدة ما في ...مواضيع مهمة ما في والكل بمل والدليل اغلب المصلين بناموا او بصيروا يلعبوا بسجاد المسجد .... اليوم مثلا كانت الخطبة عن اقليم تركستان وكيف الصينيين بعذبوا الناس المسلمين اللي بشكلوا اغلبية سكان الاقليم وبالاخر حكى لو العالم العربي يقاطعوا المنتجات الصينية يوم واحد احتجاجا على الظلم اللي بتعرضوله المسلمين بالاقليم ....بعدين صفن وصفن ومسك ثوبه وحكى ما هي الاواعي اللي لابسينها صينية ...اقم الصلاة ...اذا هو نفسو مش مقتنع باللي حكاه

اقم الصلاه .. هو لو مشاها وما مسك ثوبه .. ذكرتني بقصة للاستاذ عبدالعزيز ايام الثانويه عملها مع واحد كان يحكي بالاذاعه .. بس اشوفك بحكيلك اياها

[أميرة قوس النصر]

على الوجع الموضوع بموت منهم كثييير الشيوخ اللي هيك يعني الواحد فيهم حفظ القران بصير ولي من الاولياء وبحق اله يدعي على الهلاك لمين ما كان وشغلة انه تمديد العمر والله استحى مندوب مبيعات يقول اذا دفعت كذى نمدد الك الكفاله اكم من سنة جد جد القصة غريبة لما الواحد بصير عالم بدين ربنا وشيخ المفروض يكون وجه حسن للاسلام يحبب الناس فية باخلاقة ومعرفته وحتى طريقة طرحة ، بس هالايام بكون الواحد فيهم معتبر انه هو المسلم ومن غيره فهو من الظالييين!
خطب الجمعه لازم تكون محضرة ومدروسة لانها زي ما حكيت يا غسان الاطفال همه اللي بكونو موجودين وبتعلموا بجوز انت قدرت تسرح بس هو لا قلك كل ما بزور عمة او خالة بزيد خمس سنين
وحلال وحرام بقول رسـول الله صلي الله عـليه وسلم يقول: (إن الحلال بين وإن الحـرام بين وبينهما أمور مشتبهات لا يعـلمهن كثير من الناس فمن اتقى الشبهات فـقـد استبرأ لديـنه وعـرضه ومن وقع في الشبهات وقـع في الحرام كـالراعي يـرعى حول الحمى يوشك أن يرتع فيه ألا وإن لكل ملك حمى ألا وإن حمى الله محارمه ألا وإن في الجـسد مضغة إذا صلحـت صلح الجسد كله وإذا فـسـدت فـسـد الجسـد كـلـه ألا وهي الـقـلب) يعني انه افتي واقول حرام بحد ذاته امر خطير ما لازم تطلع الا بعد تاكد وتدبر من اكثر من عالم مش من واححد ما بحب مثلا الرياضة اقول الكرة حرام!
طيب ما الاسلام حث على الرياضة ولا هاي ما انته الها شيخنا !
يعني بالعربي هدول النوعيه لازم الواحد ينتبه منها واللع يعنك يا غسان دور الك على مسجد ممكن تسمع خطبة زي الناس

[Zhrt_ALm6r]

بالفعل اغلب الخطب اللي بحضرها بمسجدنا خطب مكررة ومعلومات قديمة وما في تغيير ولا مرة اقنعتني خطبة ...فلسفة اسلامية ما عندهم ...افكار جديدة ما في ...مواضيع مهمة ما في والكل بمل والدليل اغلب المصلين بناموا او بصيروا يلعبوا بسجاد المسجد .... اليوم مثلا كانت الخطبة عن اقليم تركستان وكيف الصينيين بعذبوا الناس المسلمين اللي بشكلوا اغلبية سكان الاقليم وبالاخر حكى لو العالم العربي يقاطعوا المنتجات الصينية يوم واحد احتجاجا على الظلم اللي بتعرضوله المسلمين بالاقليم ....بعدين صفن وصفن ومسك ثوبه وحكى ما هي الاواعي اللي لابسينها صينية ...اقم الصلاة ...اذا هو نفسو مش مقتنع باللي حكاه

[آلجوري]

[align=center]
مافي بعد كلامك غسااان ... الله بعين
[/align]

[غسان]

على الوجع الموضوع بموت منهم كثييير الشيوخ اللي هيك يعني الواحد فيهم حفظ القران بصير ولي من الاولياء وبحق اله يدعي على الهلاك لمين ما كان وشغلة انه تمديد العمر والله استحى مندوب مبيعات يقول اذا دفعت كذى نمدد الك الكفاله اكم من سنة جد جد القصة غريبة لما الواحد بصير عالم بدين ربنا وشيخ المفروض يكون وجه حسن للاسلام يحبب الناس فية باخلاقة ومعرفته وحتى طريقة طرحة ، بس هالايام بكون الواحد فيهم معتبر انه هو المسلم ومن غيره فهو من الظالييين!
خطب الجمعه لازم تكون محضرة ومدروسة لانها زي ما حكيت يا غسان الاطفال همه اللي بكونو موجودين وبتعلموا بجوز انت قدرت تسرح بس هو لا قلك كل ما بزور عمة او خالة بزيد خمس سنين
وحلال وحرام بقول رسـول الله صلي الله عـليه وسلم يقول: (إن الحلال بين وإن الحـرام بين وبينهما أمور مشتبهات لا يعـلمهن كثير من الناس فمن اتقى الشبهات فـقـد استبرأ لديـنه وعـرضه ومن وقع في الشبهات وقـع في الحرام كـالراعي يـرعى حول الحمى يوشك أن يرتع فيه ألا وإن لكل ملك حمى ألا وإن حمى الله محارمه ألا وإن في الجـسد مضغة إذا صلحـت صلح الجسد كله وإذا فـسـدت فـسـد الجسـد كـلـه ألا وهي الـقـلب) يعني انه افتي واقول حرام بحد ذاته امر خطير ما لازم تطلع الا بعد تاكد وتدبر من اكثر من عالم مش من واححد ما بحب مثلا الرياضة اقول الكرة حرام!
طيب ما الاسلام حث على الرياضة ولا هاي ما انته الها شيخنا !
يعني بالعربي هدول النوعيه لازم الواحد ينتبه منها واللع يعنك يا غسان دور الك على مسجد ممكن تسمع خطبة زي الناس

يا عيني عليكي يا مها ... معك بكل الي حكيتيه ..

الله يبعثلنا شيخ نفهم عليه ونستفيد منه ... الله بعين ..

[غسان]

شكرا على المرور محمد .. احمد .. مها .. ميسم .. وجوري ..