ربع صفحة معدل قراءة المواطن العربي سنويا ..!

[ayman]

يعني يا ايمن الامريكي اللي بقرأ 11 كتاب فاضي اشغال !!!

يازلمة الأمريكي ماعندو هموم كل حياتو انبساط وكل الي عندو بجوز ولد او ولدين او حتى عايش مع صاحبيته ومش ماكل هم انو اذا طردو من الشغل يموت من الجوع اكيد عندو وقت يقرأ

اما انا مثلا بصحى الخمسة الفجر وبخلص شغل على خمسة المسا ماكل هوا
وبعقلي بفكر من وين بدي اجيب حق الهدايا وتذكرة السفر ومصروف القعدة هناك والبنزين وووووووووو بدك اياني اقرأ كتاب!!!!!!!!!!!!

يارجل اتقي الله الأهم ثم المهم ثم اخر اشي تغذية الروح هاي تبعكم

[Ahmad zo3bi]

مشككور معاذ

بس انا في واحد صاحبي بسنة من السنوات قرأ صفحة كاملة بالسنة كــــــــــــــاملة تخيل....... لأ وكرموا واعطوه جائزة الرجل الثقافي لهذاك العام شو مفكر احنا بطلع منا مرات

والله اشي محبط فعلا ....بس بدكوا الصراحة اجواءهم مشجعة للدراسة اكثر من اجواءنا يعني مثلا هم بيقرءوا بالباصات والقطارات اما احنا ما عنا قطارات وباصاتنا عبارة عن كنترول وظيفته ازعاج الركاب واااااااااااخر باص على الحصن..... جنب السايق حبيبي..... بدكيش تطلع زيادة ل.......

أو بتكون قاعد بباص درجة حرارته 60 مليون وبتكون شايف الناس مراوح عايف حالك والسايق مشغلك مصطفى كامل بصوت عاااااااااااااالي ورحلة عمري فكيف بدنا نقرأ

انا اعتقد انه سكان دول العالم الاول هم الاكثر قراءة لانهم الاكثر راحة يا عمي ناس بتريح شعبها ومش ناقصه شي فليش ما يقرأ

انا برأيي انه قراءة الكتب بدولة من دول العالم الثالث يعنبر من الكماليات التي ليس لها داعي

[saousana]

[align=center]الموضوع موضوع عادة لا اكثر
بالفعل امر مخزي انه ربع صفحة في اليوم
ان شاء الله بتحسن الامور في السنوات [/align]

[diyaomari]

ان شاء الله يتحسن الوضع للقراءة على قولتك يا سوسن
لانو فعلا مهزلة(ربع صفحة بس) ..........
وتزداد القراءة ويزداد معها معرفة وعلم الناس
ومشكور يا معاذ على الخبر

[mohammad qasaimeh]

يازلمة الأمريكي ماعندو هموم كل حياتو انبساط وكل الي عندو بجوز ولد او ولدين او حتى عايش مع صاحبيته ومش ماكل هم انو اذا طردو من الشغل يموت من الجوع اكيد عندو وقت يقرأ

اما انا مثلا بصحى الخمسة الفجر وبخلص شغل على خمسة المسا ماكل هوا
وبعقلي بفكر من وين بدي اجيب حق الهدايا وتذكرة السفر ومصروف القعدة هناك والبنزين وووووووووو بدك اياني اقرأ كتاب!!!!!!!!!!!!

يارجل اتقي الله الأهم ثم المهم ثم اخر اشي تغذية الروح هاي تبعكم

دائما هنالك وقت للكتاب

و يعطيك العافية يا ايمن و ان شاء الله ترجع للاردن على خير و سلامة

[معاذ ملحم]

مشكوريييييييييييييييييييييييين شباب على المشاركة


خلص شو رأيكم انه نقراء حوالي حرف واحد يوميا

ههههههههههههههه

[ayman]

دائما هنالك وقت للكتاب

و يعطيك العافية يا ايمن و ان شاء الله ترجع للاردن على خير و سلامة

طيب متل مابدك في وقت بس انا مابدي اقرأ

[معاذ ملحم]

والله فعلا انه امر مخزي


ربع صفحه سنوي كمان

يعني لو اسبوعي بتكون احسن