لقاء خاص مع امهاتنا ..

[دموع الغصون]

محمد & روان

يسلمو كتير غلبتكو معي بس احكولي شو كان شعوركو لما سألتو خالتو هالأسئلة ؟؟

هلا رح غلبكو كمان بما انه هالموضوع كان نظام دعوة ثنائي
فكل واحد منكو يختار عضو من بعده ليسئل امه
وبتقدرو تضيفو الاسئله يلي بدكو ياها بما يتناسب مع رؤيتكو للموضوع

[محمد العزام]

كنت قاعد المغرب تقريبا لما نزلت الموضوع ...انا وياها وحكيتلها بدي اعمل معك لقاء صحفي وانزلوا بالمنتدى اللي مشارك فيه وحكتلي ياريت ... وحكيتلها اسئلة بدي اجوبتها منك ولصاحبة الموضوع دموع ...حكتلي حاضر .. كان شعور حلو والله ...وبس خلصت كل شي ونزلت اجاباتها حكت الله يوفق هالاعضاء ويخلهم لاهاليهم بس ينتبهوا من هالحياة والي بصير فيها خاصة الصبايا


الله يخليكي دموع ...وتكرمي رح ابوسلك اياها والله اليوم كمان دعتلك دعوة حلوة وبتحكيلي الله يوفقها امين يارب


انا رح اختار العضو اللي بعدي ....صديقة بنت الشديفات ...وتجاوب على نفس الاسئلة باعتقادي اسئلة كافية ووافية



الدعوة لكي الان صديقة

[دموع الغصون]

ما أحلاها نيالي دعتلي خالتو ربي يطول بعمرها
جد بسطتني بهيك دعوات
الله يخليكو لبعض يارب

وبننتظر صديقة

[&روان&]

اول شي يسلمو للالك
لما حكيت لماما هادا الموضوع انبسطت كتير وقعدنا ندردش شوي وعلى فكرة انا من فترة ما قعدت مع ماما هيك قعدة وحكينا واتسلينا
وسألتها الاسئلة وجاوبتهم بس بكل سؤال بتفتحلي مجلد لهيك انا اختصرتهم شوي هههههههه
وانا بختار العضو يلي بعدي شمس
وطبعا زي ما اتفضل الاخ محمد رح نعتمد اسئلتك
بما انها شاملة معضم الاشيا
وكتير ماما بتسلم عليكي وعلى فكرة انا دايما بحكيلها عنك
وبتقرأمعي مواضيعك طبعا لما تكون فاضية

[دموع الغصون]

الله يخليلنا خالتو يارب وكتري قعدات معها يا روان ازا هيك قعدات رح تنتج هيك نصائح خليكِ معها 24/24 وخليها معنا هي كمان
سلمي عليها وبوسيلي ياها لخالتو خليها تدعيلنا
والله امهاتنا همه الخير والبركه بطيبتهم وعفويتهم ونصائحهم


بننتظر شمس

[shams spring]

كتير حلوة فكرة الموضوع ~.~ دموع ~.~
والاحلى اجوبة ام محمد وام روان الله يخليهم الكم يا رب وما يحرمكم منهم

ويسلمو ~.~ روان ~.~ على اختياري
وان شاء الله بس ارجع ع البيت رح بسأل الماما وحط اجوبتها

[دموع الغصون]

بتنوري بأي وقت شمس


بننتظر مشاركة
شمس & صديقة

[shams spring]

الأسئلة هي

السؤال الأول :
ماهي نظرتك للنت ؟ وهل فعلا ألنت سرق أبنائكِ من الجلوس معكِ ؟

نظرة سيئة
نعم سرقهم منا

السؤال الثاني :

يا ترى ما هو الحلم و الأمنية التي تتمنينها لابنك أو أبنتك الذي يقرأ عليك هذه الأسئلة ؟

اتمنى لها التوفيق في تحصيلها الدراسي الحالي واكمالها لدراساتها العليا ان شاء الله

السؤال الثالث :
هل ابنكِ هذا أو أبنتك هذه مرتبة أم فوضوية ؟ وما هو السبب ؟
اوقات مرتبة واوقات فوضوية حسب الدوام والعطلة

السؤال الرابع :
ما هي أكثر صفه تحبيها بإبنكِ / أبنتكِ التي تطرح الأسئلة و أكثر صفة تتمنى البعد عنها ؟

اكثر صفة تعجبني فيها جرئتها وشخصيتها القوية
يا ريت لو بتخفف من عنادها شوي وتلتزم بنصائحي كلها


السؤال الخامس :
لو طلب منكِ أن تغيري شيء في هذا العالم .. ما هو أول شيء تفكرين تغيره ؟ ولماذا ؟

منع الاختلاط في الجامعات ... لانه يخالف ديننا

السؤال السادس :
أكثر دعاء تردديه لأبنائكِ ؟

الله يوفقهم ويهديهم

السؤال السابع :
ما هو سبب خوفكِ على أبنائكِ ؟

من فساد المجتمع الي كتران هالايام

السؤال الثامن :
هل تتمني أن يربي أبنك ابناءه بنفس اسلوبك أم يتبع طرق واساليب اخرى ؟

نعم واكيد لانه كل واحد مقتنع باسلوبه

السؤال التاسع
نصيحة تنصحيننا بها ؟

انهم يقدمو برامج توعوية ثقافية يفيدو بها الشباب والبنات ويعرفوهم الصح من الغلط

السؤال العاشر
أطرح أي سؤال يدور في ذهنك لأمك ؟
سألتها هاد السؤال : شو رايك بجيل اليوم ؟؟
- عنيد واغلبو غير واعي

[دموع الغصون]

الله يخليلك خالتو يارب ويطول بعمرها ويسلمها على هيك نصائح
غلبناها معنا سلميلي عليها شمس
بشكركو من كل قلبي على روعة هالمشاركة

وشمس لو بدي غلبك اختاري عضو من بعدك


و بننتظر صديقة وينك صديقة طولتي علينا

[(dodo)]

انا بدي اريحكو امي نفس ام روان
لو كان عندي لا سمح الله زوجة اب كان سألتها
بس الحمدلله مافي
وغصون كالعادة متميزة بطرحك للمواضيع