جامعاتنا وعروض الازياء

[تحية عسكريه]

بدكم الصراحة مش بس البنات كمان الشباب يلي جاي رفع شعره بوكس او جل مثل مضروب كهربا او مسحل بنطلونه والله اياما بشك انا مش بجامعة بعرض ازياء للجنسيين .

[ملحم انا]

مشكورين ع التعليق بس وين مراقبه الاهل لهدي الفئه من الشباب

والله صاير الطلاب والطالبات منفتحي[fot1]ن زياده عن الزوم [/fot1]

هاد الغزو الثقافي والاعلامي الي عم تحاربنا فيه الدول الغربيه

والهدف شبابنا وبناتنا الي نايمين في سبات عميق

[احلام]

F 5



.

[هدوء عاصف]

آآآآآآآآآخ من عروض الازياء ولا عجينة البيكنغ-باودر ( هاي تاعت الكيك ) ولا الاسمنت والطحين الي بحطوها على وجههم ..
لأ اسمو بودرة صح؟
يمكن .. ما بعرف
الجمال هو بتقاطيع الوجه .. مش بأنو البنت تكون سمرة او بيضة.. فاتحه او غامقه
مشان هيك الي بتحاول تفتح لون بشرتها بالي بتحطه على وجهها بقلها والله مو حلو
لأ وقال مشان تزبط شكلها اكتر , بتحط احمر على خدودها
يعني بودة بيضااااااا على خدود حمر وشوية حمرة .. بصير شكلك زي التمثال تبع ماكدونالدز


مع احترامي الشديد الكم .. يا فتيات المستقبل
انا مش ضد المكياج , بالعكس لازم البنت تطلع بأحلى شكل الها ..
بس مش بالطريقة هاي .. ولا بكمية البودرة هاي ..
بتزكر موقف صار معي بالجامعه , كان الدكتور يوزع علامات الامتحان .. وبحكي اسم كل طالب وعلامته ..
قاعدة جنبي علبة بودرة حاطه بنت على وجهها ..... قصدي بنت حاطة علبة بودرة على وجهها
حكا الدكتور اسمها وطلعت علامتها ( 12 من 30 ) .. فالبنت من الصدمة ضربت حالها كف (لطمت) .. اول ما ضربت حالها كف انتشرت الغبرة بكل مكان .. وعبتني بودرة وانا صرت اقح (اسعل) و انقطع نفسي , وحسيت الدنيا ضباب .. ولدقيقة شكيت انو الدنيا رح تشتي (تمطر) بالقاعة .. و صار بدي تنفس اصطناعي وشوي وبقلب عالارض على ضهري وبفعفط زي الصرصور الي ماكل 3 رشات بيف باف .. وحاتي حالة ..
يعني والله لو واحد غيري معو ربو او مشاكل بالنفس , كان راح فيها
كل هاد مشان ضربت حالها كف وتطايرت البودرة من خدها ..
طبعا انا يومها جبت (30 من 30 ) .. لا تدققو
وشوفو المصايب كيف بفصل الشتا والدنيا بتشتي , كيف بتسحل البودرة من وجه البنت , ولو كانت بلوزتها سودا بتتعبها بقع بيضا من البودرة الساحلة من وجهها
( بس مش مشكلة , كل هاد بهون بسبيل انها تطلع احلى)

انا برأيي :
بما انك حابة يروح لون وجهك ويصير فاتح , بقترح عليكي تشتري سطل (جلن) دهان املشن ابيض , و انقعي وجهك فيه لمدة 5 ثواني .. بأذن الله بطلع وجهك ابيض ومخطوف لونه ومش مبين اشي الا البياض ..
او انزلي على مكان جيبي 4 عمال وشوال اسمنت ايبض و 5 ليتر مي ..
وخليهم يجبلو (يخلطو) المكونات كلها مع بعض .. وصيري لزقي على وجهك منه تلزيق , وانا بوعدك انه اول ما تحطيه على وجهك عمره ما رح يسحل مع الشتا او يطلع منه غبره ..
يعني رح يضل وجهك ابيض لحد ما تشتري مبرد او ورق قزاز وتحتي بشرتك حت فيهم لحد ما يروح
..
ما رح اكمل حكي عن الكعب العالي الي والبنت ماشية فيه بكون لازمها تكون حاملة قشاطة او عصاي طويلة للتوازن .. مشان ما توقع لا يمين ولا شمال ..
ولا حاب احكي عن تمشيط الرموش , ومش ناقص غير تعطي رموشك وش تمليس أو تقصيه كيرلي ..
ولا رح احكي عن الاضافر الطوال كتير , الي ما بخليها لا تاكل ولا تشرب منيح , وحتى طباعة عالكيبورد صعبة .. بتلاقيها كل 4 احرف جنب بعض بتكبسهم مع بعض بالغلط من اضافرها الطوال
ولا رح احكي عن الحلق الي بتحطه على ادانها , والاصل هو ثرية لازم تتعلق عالسقف ..
ولا رح احكي ولا احكي ولا احكي



بس برضو كل التحية لفتيات الفيوتشر


وتحياتي

من أجمل التعليقات واكثرها تعبيرا


اااااااااااااااااخ يا بنات هالزمان .. ويا شباب ..... والله حرام

[هدوء عاصف]

[align=center]على فكرة الكلام مش موجه للبنات بس .. يعني الأخ السندباد علق ربما على البنات ولكنه يقصد الجميع .. ما يؤسفني ان ارى البنات على هذا الحال لكن ما يقتلني ان ارى شبابا يتصنعون النعومة ويتمايلون كما راقصات الملاهي في مشاهد مخجلة في جامعاتنا وشوارعنا ..

اتقوا الله يا شباب .. وانتم ايها الاهل اتقوا الله في ابنائكم .. فهم يأخذونكم إما الى الجنة وإما الى النار .. فأحسنوا الاختيار [/align]

[بياض الثلج]

الكل بدوا هيك
وكأنوا اللي بعمل غير هيك
بكون منبووووذ أو شاذ

[هدوء عاصف]

الكل بدوا هيك
وكأنوا اللي بعمل غير هيك
بكون منبووووذ أو شاذ

هناء مين الكل يعني؟

طيب وين دور الأهل بالموضوع؟

يعني اذا كان الشاب بده هيك خلص ينترك على حل شعره ؟؟؟؟؟؟؟؟؟


عندي سؤال هناء .. انتي بتلعبي دور في تصحيح طريق اي واحد من اخوتك اذا زل او اخطأ مساره؟؟ بمعنى هل قدرتك على تصحيح مساره ما زالت فاعلة؟ ولا متل ما بقولوا لما يكبر الولد او البنت ما بنمون عليه !!؟

[بياض الثلج]

هناء مين الكل يعني؟

طيب وين دور الأهل بالموضوع؟

يعني اذا كان الشاب بده هيك خلص ينترك على حل شعره ؟؟؟؟؟؟؟؟؟


عندي سؤال هناء .. انتي بتلعبي دور في تصحيح طريق اي واحد من اخوتك اذا زل او اخطأ مساره؟؟ بمعنى هل قدرتك على تصحيح مساره ما زالت فاعلة؟ ولا متل ما بقولوا لما يكبر الولد او البنت ما بنمون عليه !!؟

بقصد بالكل (المجتمع العربي المسمل تحديدا)
وبالنسبة لقدرتي طبعا الحمدلله استطيع التغير والتأثير من باب انه احنا تربنا تربايه دقة قديمة اللي ما بتعجب حد هلا
بس للاسف اللي اكتشفته انه الفئة المتدينة من الناس العرب خلينا نحكي هووون عنا بالدوحة وفئةكبيرة مو صغيرة صارت البنت ازا ما بتلبس وتحط ميك اب ووووووووو كلوا خلين احصرها بكلمة (تزين ظاهري) ما حدا بطلع عليها حتى للطلبة اي انه حدا يخطبها
جد هدوء ما عاد في التزام هووون نهائيا وغير انه التعليم
اصبح فاشل جدا ما في كتب كله ورق وباخر السنة كله بالزبالة
بالنسببة لسؤالك ينترك ع حل شعره بحكيلك لأ
بالبداية انا كنت اعصب مثلا ع اولاد اخوي واحكيلهم اللي بدوا يطلع معي يطلع زي ما بدي انا كانوا يزعلوا
ففهمتهم انه الناس بتطلع انت مع مين ماشي اكون انا مثلا منقبة وووووو واللي معي فارع ؟؟؟ طبعا يومها قابلت كلامي بالضحك وعدم الاهتمام
بعد فترة تفاجئت بموقف من أحدهم اعتذر لن أذكره هنا لخصوصيته
وقتها انا قلبت تفكيري وحكيت يعملوا اللي بدهم اياه قدامنا أحسن وتدريجيا
نمنعهم بالطريق الصواب

[أميرة قوس النصر]

يعني بعرف اني سبق وحطيت رد هون ومفصل بس بدي ارجع احكي انه مش بس البنات اي الشباب عليهم ستايل بفلج
اللبس مساله شخصية بحته

[هدوء عاصف]

يعني بعرف اني سبق وحطيت رد هون ومفصل بس بدي ارجع احكي انه مش بس البنات اي الشباب عليهم ستايل بفلج
اللبس مساله شخصية بحته

مها انا معك وضد الحد من حرية الناس سواء كانوا شباب ولا بنات هو مسألة شخصية بحته ما اختلفنا ، لكن المعروف انو احنا مجتمع شرقي ومهما نحاول نكون مترقيين بعاداتنا -على اساس انو الغرب راقيين- ونقلد الحرية اللي بالغرب ما بيمشي الحال معنا ابدا وبضل مجتمعنا برفض فكرة اللبس الفاضح -احيانا- اللي بنلبس بالجامعات ، كمان عندي تعقيب بسيط وكلكم هون اخواتي وكلامي للفائدة فقط ، هلأ البنت لما تلبس لباس مثير او مغري ما بتفتح العيون والنفوس المريضة عليها وبتعرضها للمشاكل اللي ما بتنتهي؟ مهو الأمر الربّاني بالتستر والحجاب اجا حماية للفتاة وعصمة للشباب من الوقوع في المحظور ، وايضا الكلام للشباب نفس الشي ، فالوضع هاد طبيعي لما يكون عنا رح يكون في بعده الأخبار التالية:

- شاب يقتل شقيقته ، او يقتل ابنة عمه ، او قريبته
- رجل يقتل زوجته ، او ابنته
والحالتين فوق (جرائم شرف)

- اعتداء على فتاة جامعية
- ضبط مجموعة شباب وفتيات من جامعة كذا يمارسون .....
- العثور على طفلة يُشتبه ان والدتها القت بها بعد ولادتها (جريمة اكثر من جريمة الزنا)

ولن ازيد من الأخبار لأنها مؤلمة ، ولكن كل الحالات التي ذكرت ما حدثت لأن الشاب او الفتاة شواذ عن القاعدة ، على العكس كتير من اصحاب السوابق لما بنتطلع على اهاليهم بنلاقيهم مربيينهم وتعبانين عليهم لكن في ظروف معينة بمر او بتمر فيها الشاب او الفتاة بتخليهم يرتكبوا جرم معين ، واول بداية لأي جرمة اخلاقية بتكون من خلال النظر والتعارف ومن ثم اللقاءات والخلوة ونهاية في الوقوع بالجريمة بغض النظر عن نوعها وما خلصت اليه.
انا ما بقول انو الفتاة صاحبة اللباس الغير ملتزم هي غير ملتزمة بالأدب لأني اشهد انك هناك فتيات لا يلتزمن باللباس لكنهم اكثر ادبا وخلقا ، بس انا اللي بحكيه انو اللباس الفاضح رح يخلي الفتاة في تعرض واضح ودائم للمشاكل او لعيون الناس ، وانا كـ شاب بغار فعلا وبتألم لما بشوف شباب بنهشوا بلحم فتاة مارة على الطريق او بالجامعة.

طبعا يمكن واحد ييجي يحكي انا بشوف الملتزمات باللباس الشرعي اقل ادبا من المش ملتزمات ، بقول انو المشكلة فيهن مش باللباس ، ومن غير المنطقي تيجي انت ترفض شي الله امر فيه الا اذا كنت على غير هالدين!

المسألة شخصية لكن .. لا يمكن اغفال ما يجري حولنا بسبب قصة اللباس الغير ملتزم .. حقيقة لا يمكن اغفالها ..