ما هي في نظرك الأسس السليمة لزواج ناجح؟؟؟

[الاء]

وانا من رأييه اساس الزواج السليم

(( التفاهم بين الزوجين ورضا الطرفين عن بعض (( يعني ما يكون حدا مغصوب على حدا ))

تقارب في العمر (( عشان يئدروا يفهموا بعض لن جيل عن جيل بتختلف أفكارهم ))

وانا من رايي العمر المناسب للزواج للبنت 24 بلكتير والشب 28 هيك بكونوا فهمانين و واعين وغير هيك الشب بكون كون نفسه واعتمد على حاله وئادر يفتح بيت ويصرف عليه

التعليم جزء اساسي في نجاح الزواج

الدين (( اهم شيئ في الزواج لأن الي بكون متدين بخاف الله ماراح يعمل اشي يضر الطرف الاخر بلعكس راح يصونه ويحافظ عليه ))

وأن من راييه البنت من هلاء تتعلم شغل البيت والطبخ وهاي الامور كلها عشان ما تتغلب بعدين
وبنفس الوئت بتئدر تشتغل برا البيت (( بس انها تعرف كيف تنظم وئتها )) واكيد كل بنت بتعرف كيف تنظم وئتها


مشكووورين للمشاركه الحلوووه

[ابو العبد]

انا برأيي انه موضوع اساس الزواج موضوع نسبي , يختلف من شخص لأخر , حسب شخصية البنت او الشب...

انا برأيي مش مهم مصاري البنت بهمني اخلاقها وادبها وطبعا جمالها ...
اما مسألت العمر انا بفضل ما تكون صغيرة كثير يعني كحد اقصى تكون اصغرمني ب 3 سنوات..

[الاء]

مشكوورين للمرور

[zain]

انا بنظري اهم شي انهم بحبوا بعض ويعرفوا بعض من زمان والاحترام بينهم متبادل وازا[grade="32CD32 FF0000 008000 000000"] كان من الاقارب المعروفين أفضل لانه هلأ لا البنات ما الهم أمان ولا الشباب وبفكروا الزواج اشي عادي بلا مسوولية وخاصة للبنت ازا كانت فايعه وفجأة تنربط وانا بنت وبشوف كتير من هاي النمر يا حرام زوجها بكون معطيها الثقة والاحترام وهي ولا على بالها عشان هيك انا بنظري يكونوا بعرفوا بعض كتير منيح ويعرف خاصة الشاب مين بده يجيب على بيته وتصير ام اولاده الشاب حتى لو كان فايع بنمسك بسهولة مو متل البنت والله يستر على بنات الامة العربية جميعا ويهديهم[/grade]

[عُبادة]

ليش مغلبين حالكو بشي حله موجود من 1400 سنة من احاديث نبوية صحيحة

قال رسول الله ‏ ‏صلى الله عليه وسلم ‏ ‏إذا أتاكم من ترضون خلقه ودينه فزوجوه إلا تفعلوا تكن فتنة في الأرض وفساد ‏ ‏عريض


عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " مُتّفَقٌ عَلَيْهِ


قوله صلى الله عليه وسلم : ( لا يفرك مؤمن مؤمنة إن كره منها خلقا رضي منها آخر أو قال : غيره )

[diyaomari]

بالنسبة الي المرأة أفضل تكون اقل من الرجل باشياء كثيرة

اقل من المستوى التعليمي المالي....................

مش لنقص موجود عند البنت او الشب لكن بكون افضل

بلاش ندخل حالنا في صراعات وحوارات كثيرة ...........

يعني لو انا حاصل على ماستر في تخصص ما بفضل تكون البنت معها اقل مني

بكالوريس (وبفضل تكون بعيدة عن تخصصي عشان ما نتهاوش في مواضيع العمل المشتركة)

وهاي بالنسبة للتعليم .....وبدي احكي للبنات ما يزعلو لانو هالحكي مش كره ولا اشي

بس الحقيقة هيك افضل ..........واذا ما عجبكم كلامي اعملوا تصويت...

والعمر كمان تكون اقل مني من (1-3)سنين مش اكثر بالنسبة الي يعني ما باخذ وحدة

من جيلي أو اكبر مني مع انو هاي الاشياء بتصير لذلك كلامي مو مسلّم به لكن هاد رأيي

[الاء]

تسلم على المشاركه الحلووه

[drlovely]

فية عدة مقومات لنجاح الزواج واولها التدين اذا احب الزوج الزوجة اتقى الله فيها واذا كرهها لم يغضب الله فيها
ثانيا المستوى الاجتماعى حتى لا يسبب حساسيات بين الزوج والزوجة بسبب الفقر والغنى
ثالثا التعليم مهم جدا حتى يخلق جو من الالفة ويفتح موضوعات بين الطرفين لجذب التوافق بينهم
رابعا العمر لا يكون فارق كبير بين الزوجين حتى لايكون هناك اختلاف اراء وتقارب في افكار الجيل
وهناك اسباب كثيرة اخرى ومنها تقبل الزوج والزوجة لهذا الزواج اصلا وعدم بنائه على اساس المصالح

[النورس الحزين]

اقتباس:
المشاركة الأصلية كتبت بواسطة diyaomari

بالنسبة الي المرأة أفضل تكون اقل من الرجل باشياء كثيرة

اقل من المستوى التعليمي المالي....................

مش لنقص موجود عند البنت او الشب لكن بكون افضل

بلاش ندخل حالنا في صراعات وحوارات كثيرة ...........

يعني لو انا حاصل على ماستر في تخصص ما بفضل تكون البنت معها اقل مني

بكالوريس (وبفضل تكون بعيدة عن تخصصي عشان ما نتهاوش في مواضيع العمل المشتركة)

وهاي بالنسبة للتعليم .....وبدي احكي للبنات ما يزعلو لانو هالحكي مش كره ولا اشي

بس الحقيقة هيك افضل ..........واذا ما عجبكم كلامي اعملوا تصويت...

والعمر كمان تكون اقل مني من (1-3)سنين مش اكثر بالنسبة الي يعني ما باخذ وحدة

من جيلي أو اكبر مني مع انو هاي الاشياء بتصير لذلك كلامي مو مسلّم به لكن هاد رأيي

انا اصادق على الكلام 100% صحيح وهاذا هوة الاسس السليمة للزواج الناجح

[تيتو]

أنا بنظري انو التفاهم و الحب والمودة و العطف و الحنان و الشعور بما يحصل للفتاة من الشاب وكذلك الشاب من الفتاة