ودي اموت اليوم وأعيش باكر..

صديقه بنت الشديفات · 04-05-2010, 03:27 PM

ودي أموت اليوم وأعيش باكر
وأشوف من هو بعد موتي فقدني

ومن هو حملني لين ذيك المقابر
واشكر أنا كل من أكرمني ودفني

وأشوف يرثيني أنا كم شاعر
ومن هو تركني وما كتب شي عني

شخص تعنا لي مع انه مسافر
وشخص قريب وانا ميت طعني

وشخص يمثل دمعه ما هو قادر
وشخص تطيح دموعه كل ما ذكرني

ومن هو من أهلي كان في العزا حاضر
ومن هو دعا لي في صلاته ورحمني

ومن هو بنا باسمي سبيل ومنابر
ومن هو يفز قلبه الا من لمحني

ومن هو عشاني طول الليل ساهر
ومن هو ثلاث أيام راح وتركني

ومن هو يرتب غرفتي والدفاتر
وان شاف صورتي مات وحضني

يا الله عسى ما تخطى كل المشاعر
ويا ليت ما ينصدم يوم فيني

خايف يروح العمر وأكون خاسر
وان طار طيري ما يفيد التمني

وخايف يجبرني وقت اكسر خواطر
إن دارت الدنيا وزماني كسرني

ومدام الدنيا صارت مظاهر
وكل من على كيفه وجوَه يغني

صحيح مسلم لكن الهم كافر
كل ما بغيت اضحك يهددني حزني

الضيق وافي والحزن حيل وافر
والجرح أكثر شي شفته يحبني

عايش وميت بين ماضي وحاضر
والصبر مفتاح الفرج ضاع مني

قل وش تبي وتتركني يا حزني
مسكين فرحي.. تِصدق وحشني!!

شاعر ولكني ماني بشاعر
ودي أموت اليوم وارتاح مني