كواليس إدارة منتديات الحصن الأردنية (الجزء الثاني - حوارات الإداريين)

[هدوء عاصف]

كواليس الإدارة
ملف من جزئين يوضح جانباً من حياة الإداريين في غرفتهم المغلقة

{الجزء الثاني}
حوارات الإداريين داخل الغرفة المغلقة !

هل يختلف الإداريين داخل مجلس الإدارة عن خارجه؟
وكيف تكون اجتماعاتهم وحواراتهم؟


سنتعرف على حياة الإداريين داخل مجلس الإداره عن قرب
كونوا معنا ...















مقدمة:

يتواجد اعضاء مجلس الإدارة يوميا تقريبا لمتابعة حركة المنتدى ..
المنتديات بإدارييها ومشرفيها مُغطّاة على مدار 24 ساعة ومراقبة بشكل تام لإتخاذ الإجراء اللازم في حال وجود مواضيع او مشاركات مخالفة او أعضاء مخالفين لشروط المنتدى ..

أعضاء مجلس الإدارة يتحكمون بكامل التفاصيل في كافة المنتديات ويراقبون المواضيع على الدوام ولديهم الصلاحيات الكاملة لتثبيت المواضيع او نقلها او اغلاقها ، وايضا الموافقة على المشاركات المُراقبة ومراقبة المشاركات الجديدة على مدار الساعة بما فيها رسائل الزوار والمشاركات والمواضيع التي يدرجها الزوار .. طبعا يمكن لأي عضو مراسلة اعضاء مجلس الإدارة للإستفسارات المختلفة او الاقتراحات وسيُجيب اعضاء مجلس الإدارة على هذه الطلبات بأسرع وقتٍ ممكن وبصدرٍ رحب ..















هلأ اسمحولي احكي بالعامية مهو بلّش وقت الضحك
وكوني انا صاحب الإنقلاب هون فـ رح احكي عنهم وعني لأ
بس لا رح احكي بـ شفافية مش تصدقوا



اول شي بنبلش مع :
كيف بنختار المشرفين

طبعا لما يصير مجلس المشرفين مقصر اكتر من اللازم وقتها بيجي حسان وبقدرة قادر بحل مجلس المشرفين !!
طبعا بصير لازم نختار المشرفين كل واحد فينا لحال وبعدها بنعمل اجتماع وإجماع على قائمة موحّدة..

هدوء عاصف: مرحبا حسان ومها وهديل كيفكم؟
انا بقترح ..... و ..... و ..... و ..... و .... و ..... و ..... و ..... ، وبختار ...... اذا بتواجد بشكل اكبر ! (هاي اول قائمة )

أميرة قوس النصر: مسا الخير
انا بقترح ..... و ..... و ..... و ..... و .... و ..... و ..... و ..... ، ما اظن انو ..... بناسب يا هدوء! (veto )

حسان : المنتدى ...... رح اشوف ....... بتستلمه بدنا مشرف مختص اله بكون افضل لانه هدول اهم شي .. بانتظاركم

هدوء عاصف : حسان عندي تعديل على قائمة المشرفين المقترحة حسب تواجد الاعضاء ..
بقترح على منتدى ...... " ...... "
وعلى ....... "...... "
طبعا بسبب غياب ...... .
.... و ....... بستاهلوا والله .. شو رايكم؟

الوسادة : صباح الخير هدوئة (طبعا متل ما هي ما بتتغير ومستحيل تتغير )

صباح الخير حسان

انا ما فتت كنت مفكرة انو لسه مو مسموحلي ادخل المهم (كانت فايته الإدارة من جديد )
انا بتخيل انو ..... و ....... ممتازين كتيــــر بس برضو الأحسن انهم يضلو مع ...... احسن عشان ازا غاب حد التاني يحل مكانه انا هيك رأيي و شكرااااا الكم يا حلوييييييييييين

=== > طبعا اقترحنا القائمة واتفقنا عليها وحسان غاب وقال عدّولي
والحمدلله حسان بيّن فجأة بعد اسبوع واعلن عن القائمة




ثانيا :
الإضــــافات والحلول التقنية
وأكيد بنناقش في الإدارة الإضافات الجديدة في المنتدى والمواقع التانية وبنبحث في حالات الطواريء ..

حسان : اخيرا انتهيت من موقع الحصن اف ام الرابط : www.al79n.com/fm ومسار لوحة التحكم .................. والباس ..... .

هدوء عاصف : اهلاااااااااااا حساااااااااان الله يعطيك الف عافية الموقع بجنننننننننننننن (ع قولة مها )


***************

هدوء عاصف : هاي رسالة من المشرف ............. بطلب فيها فتح قسم جديد وهاد نصها :

حسان : اهلا محمود اهلا محمود بالنسبه للقسم بكره بكون جاهز
اقتراح في مكانه.
........................................... طبعا ضفت الراديو في الصفحة الرئيسية وضفت بنر لفتح المنتدى بدون الراديو ، اي ملاحظات على هالموضوع؟ مها وينك وين هالغيبه طمنينا عنك

***************

أميرة قوس النصر: هدوء وحسان انا ضفتكم آدمن على بيج الحصن اف ام
حسان شو باسورد الـ ....... .

***************

هدوء عاصف : حسان لما تيجي تفتح موضوع وبعطيك هاي الصفحةشو بكون السبب؟

حسان : متى بالزبط طلعتلك هاي الصفحة محمود؟


***************

هدوء عاصف : حسااااااااااااان الحق منتديات انتخابات نيوز بتتعرض لهجمة شوف:




حسان : اهلا محمود الان بحل المشكله يسلمو يا كبير


***************

هدوء عاصف : حسان سؤال بس: الكاريكاتير كيف بوصله بالحصن نيوز؟

***************

أميرة قوس النصر : مسا الخير وجد يا جماعة اسفة ع غيابي اتحملوني للخميس بس لاطبع المشروع هاي دخلتي ع البيت اولا ثانيا في عضو بعت الي ولهدوء رسالة اتوقع بدها نقاش محمود اذا هون خلينا نتباحث عن الموضوع

***************

حسان : صباح الخير كيفكم يعطيكم العافية محمود الحصن نيوز بلش فيه الامور الي ضلت بعملها ورح بلش نشر ومها بدنا همتك لما تقدري الوساده ترجعيلنا بالسلامه وموفقه بدراستك شدي حيلك البولتكنك ما فيها مزح انا درست فيها 3 سنين هندسه ميكاترونكس لو عندك مواد عند الدكتوره حلوه طه "فيزياء 1 او 2 او مختبراتهم خبريني
مها وومحمود طمنونا عنكم ..محمود شو صار معك بالشغل؟ ..مها كيف المشروع
انا اخباري اليوم مش كثير تعبان ومعصب وبعد 3 ساعات عندي تسليم موقع لشركة ولسا بده 6 ساعات شغل وطبعا من الساعه 1 بالليل


***************

في إحدى المرات دخل عضو دمه ثقيل ، وبعد ما نبهته عشرطاشر مرة وقّفته 3 ايام بسبب وقاحته وبعد ما وقفته طلع هكر هالعضو وحاول يخترق المنتدى !!
طبعا اصدقائي في الإدارة بتذكروا هداك اليوم
اما الحمدلله منتدانا آمن بفضل الله وفضل حسان

***************

مرات بعض الامور الإدارية بتتطلب مقابلة بين اعضاء مجلس الإدارة للتباحث المباشر ، واحيانا بتتم عبر الهاتف او الماسنجر ..
الأمر المشترك بين كل اللي انذكر فوق هو انو ما فيه قرار بطلع من الإدارة إلا وبكون جرى قبله مشاورات ونقاشات مطولة !

ثالثا :
مراقبة المخالفين :yelling:

مين خالف ومين خربط ومين ومين طبعا كله بنقرره وبنطلع عليه الحكم النهائي
بس مرّات الأمر بستدعي التوقيف الفوري بدون مشاوره خاصة في المواضيع الحساسة متل هالحالة:

أميرة قوس النصر : مسا الخير
والله اليوم انتبهت انه ....... متوقف شو ماله ؟
هدوء عاصف : مساء الخيرات ..
حسان شو قصة العضو "......."؟ ليش يعني كل مواضيعه مشبوهة؟ متعمد مثلا؟
قصة ........ قعدت ربع ساعة وانا أقرأ فيها عنجد قرأت اشياء لأول مرة بقرأها وقصة احداثها بتشد القاريء وسبق اني سمعت فيها بس ما قرأت تفاصيلها ، بس انها تطلع غير صحيحة واسرائليات بالآخر ! الصحيح شكرا لإنتباهك حسان وسرعة تصرفك .. يعطيك العافية ..

حسان: اهلا محمود ومها باختصار الشب لاحظت انه اغلب مواضيعه مواضيع مش مزبوطه اما اشاعات او تحتمل الفتنه او مكذبه او "حق يراد به باطل " لهيك ما اتوقع انه اختياره الها من فراغ انا نبهته وانته نبهته واوقفناه ومع هيك ما تغير لهيك انا بتابع ردوده ومواضيعه لانه حاسه حاب ينشر مواضيع مغلوطه او غير صحيحه ومش بالضرورة مواضيع اسلاميه متوقع منه اي شي بكل الاحوال المفروض ننتبه منه ومن اي موضوع بستهتر بعقولنا او بسيء النا بطريقه مباشره او غير مباشرة.

رابعا :
الدردشة والنغاشة

هدوء عاصف : صباح الخير للجميع ..
يا جماعة وين مختفيين؟ بالله عليكم بدكم تعملوا الدراسة حجة يعني؟
هيه هديل وحسان ومها .. اصحوا
(تصحاية الصبح هاي )

أميرة قوس النصر : مرحبا
طبعا حسان بدردش الصبح لانه ما في اختراع اسمه جامعات (بتبهدل كالعادة )

هدوء عاصف : مها شلونكي

أميرة قوس النصر : اهلا اهلا بمحمود انا لوني كالعادة احمر وانت؟

هدوء عاصف : انا بخير الحمدلله ولوني رمادي كالعادة
خلصتي امتحانات؟

أميرة قوس النصر : انا واخلص امتحانات هاي مستحيلة
(هي بس مستحيلة؟ حتى يمكن يكون عندها امتحانات بالصيف كمان )

الوسادة : مسا الخيـــــــــــــــــــــر يا حلوين
الله يوفئكم هدوئة ويا مها

أميرة قوس النصر : هلا فيكي منو هاظ هدوئة ؟
هدوء عاصف : أهلا "هدّولة" منورة ..
مها ما بتعرفي مين "هدوئة"؟ ههههههه
هدولة بكرة بنقعد قعدة عالماسنجر وبنحكي بتفاصيل خيارات المراقبين مشان توقفيلنا كم واحد عقّدوا المنتدى بزناختهم
يا جماعة شتقت لحسان


أميرة قوس النصر : مسا الخير


هدوء عاصف : مسا الخيرات مها قصدي صباح الورد هاي الشمس طالعة وانا مش داري
اليوم نسايبي معزومين عنا عالغدا وما اجانيـ (ش) نوم .. (ـيش) ع قولة مها هههههه
ممممممممم .. كيفكم؟


حسان : صباح الخير .. محمود وين الخرفان اللي كانوا بتوقيعك عاد كنت احبهم


هدوء عاصف : صباح الخيرات حسان .. الله يعطيك الف عافية ..
حسان الخرفان في ناس احتجت عليهم قال ما تغير توقيعك صار قديم !!

أميرة قوس النصر : مسا الخير
والله يا حسان اموري عال العال بس كبست معي هاليومين عنا مشروع تخرج ولازم يتسلم صحيح بدي اعزمكم ولازم تيجو ع المناقشة
كيفك هديل وكيف المنتدى معك؟


هدوء عاصف : حسان حبيبي بدي رابط لوحة التحكم بالحصن اف ام والباسورد .. ضاع كل اشي من عندي بلحظة !

الوسادة : مسا الخير الكم يا حلوين
انا فتت هلأ عشان اعطيكم خبر اني رح آخد اجازة من المنتدى تئريبا حوالي شهر
لظروف خاصة و خارجة عن السيطرة و الله
و حكيت لازم احكيلكم و بتمنى تلتمسولي عزر
و ان شالله برجع انشط من اول
و حطيت هالطلب بموضوع سجل طلب الإجازة من المنتدى
و هدوئة وعدني لما اغيب ياخد مكاني لما حطيتوني مشرفة عامة

( مع حبي الوسادة )
(ما لحقت تداوم بمجلس الإدارة صار بدها اجازة )


حسان : اليوم غيرت مسار لوحة التحكم وبدي همتكم بأخبار الحصن نيوز


هدوء عاصف : ان شاء الله ررح احدّث اخباري بعد ساعة من الآن ، لاني قاعد بنزل بتورنت 4 جيجا والخط ميت عالأخير ، انا شفت طريقة التحرير تبعتك حسان ورح اعتمدها ان شاء الله ، مهو كان عندي عقدة من حط الصورة بالسطر الأول مع محاذاتها ليسار النص ، ما كانت زابطة ابدا!
راجع ..
امي بتقولي حدا بصبّح يعمل داونلود على الريق

الوسادة : مسا الخير يا حلوين
هههههههههه هدوئة ضحكتني بئصة الإمتحانات ( آل امتحانات آل )
الموضوع مو هيك ابدا عالعموم الحمد لله طلع ما في شي
و الإجازة مسحوبة
انا رجعت من جديد

(كنا مفكرينها اخدت اجازة مشان الإمتحانات طلعت كمان بدون عذر! مخصوم منك راتب شهر هديل )


هدوء عاصف : بالله؟

لعاد تا نشوف من اللي بدو يعطيكِ اجازة من يوم وطالع ، ولا لشو بتاخدي راتب حضرتك؟؟؟؟؟؟؟؟؟؟؟ :yuck:
اهلا بعودتك


الوسادة : ماشي يا هدوئة
هههههههه
لازم تحكيلي الحمد لله عالسلامة بس يللاااااااا


هدوء عاصف : لاااااا مني قلتها بقلبي ههههههههه .. الحمدلله على السلامة وكل رجعة وانتي بخير .. وهاتيلك سيجارة


أميرة قوس النصر : مسا الورد يا جماعه الان دخلت ع البيت طبعا ما كنت طاشه كان علي امتحان

اهلا فيكي هديل مرة ثانية نور المنتدى
هدوء وحسان حد يعطيني الباسورد ورابط الحصن نيوز حتى اقدر اباشر مهامي لاني حاولت ادخل ع الرابط اللي عندي ما كان زابط
وكيفكم يا جماعه


هدوء عاصف : قهرني جلطني .. العضو اللي سجّل اليوم تم ايقافه 7 ايام .. مش جاي ع بالي احكي ليش لإنو مغصني عالمزبوط


أميرة قوس النصر :
له له في حد عصبك لازم اعرفه مين هو ؟


هدوء عاصف : يا جماعة بدنا تنشيط لصفحة الراديو على الفيسبوك يعني مشان الله اي طنيب على ولاياكم تتلحلحوا شوي :yelling:
صحيح حسان ..
طبعا حسب خبرتي العظيمة في الهكر احم احم اكتشتفت اكتشاف خطير حسان انو صفحة 404 بتظهر لما تدخل على موضوع من خلال البحث ، يعني ابحث في المنتدى بتطلعلك النتائج هلأ من خلال النتائج ما بتقدر تدخل على الموضوع بسبب هالصفحة ..
مثلا هلأ قبل شوي جيت بدي افوت على موضوع "امي الحبيبة" بالمنتدى العام ، بحثت عنه طلع ، ولما جيت افوت طلعتلي الصفحة متل مسمار جحا ..

كيفني معكم بهالاكتشاف


ويوم راس السنة :

هدوء عاصف : السادة مجلس الإدارة اليوم بتكونوا زي الحلوين الأمامير هون من الساعة 11 للساعة 1
بدنا نسهر براس السنة هون وبدكم تسمعوا لراديو الحصن "خاوة" ورح اراقب عداد المستمعين واذا حدا منكم بسكر الراديو قبل الـ 12.30 رح اخترق الموقع واحط صورتي عالصفحة الرئيسية وقد أُعذر من أنذر ..


أميرة قوس النصر :
علم وسنفذ اصلا انا من الصبح الصبح وانا معسكرة هون ولا كانه عندي مشروع ولا نهائي

هدوء عاصف : والله يا مها انتي معذورة لإنك ما بتقصري .. الله يسعدك ..
وهديل انا اللي بعرفها هاي ام الزوق بتحضر
بضل اللي ما عليه رباط يعني اذا ما كان عنده سهرة بالمريديان اتوقع رح ييجي


هدوء عاصف : حسان يا كبير بدي اعرف لما يخلص عداد الساعة اللي فوق شو بصير؟
يعني بصير انفجار اشي؟
خايف يكون مقلب وبس تنفجر الساعة توديلنا فايروسات وتشطبنا


أميرة قوس النصر : بدك تمسك حسان يوم ليلة راس السنة ؟
بتلاقي وحدة من صحباته عازمته على حفلة باي مكان!

((طبعا للعلم ما اجا ولا واحد وضليت لحالي زي الأهبل هديك الليلة))

بعد مقلب راس السنة :


هدوء عاصف : السلام عليكم يا إدارة ..
عندي بعض المطالب الإدارية لو سمحتم وبدكم تنفذوها

((((( هون فيه 500 سطر مطالب ههههههههههههه )))))

وبس .. والسلام عليكم ورحمة الله وانت يا اخي اقم الصلاة


أميرة قوس النصر : لقح لقح حكي


هدوء عاصف : اه معلوم بدي احكي مني بدي اترشح للإنتخابات النيابية

مها عندها عادة ..
بتفوت وبتحط مشاركات من هاد النوع
ولغاية الآن مش عارف معناها!


أميرة قوس النصر :

أميرة قوس النصر : :yelling::yelling:

أميرة قوس النصر : مساؤؤؤؤ


أميرة قوس النصر :

(( بدنا توضيح مها )))



يا حرام انا دايما بعجق حسان بكتر طلباتي ،
هاد كان اول طلب بعد ما رجعت من قطر :

مرررررررررررررررررررررحبا جميعا

كيفكم؟ الله يسعد مساكم يا غاليين ..
حسان غيرلنا الستايل .. مشاني يا حبيبي يا حسان والله بس اشوف هاد الستايل بتخيل مآسي وحسرات الشهر الماضي ، لا تعمل ستايل جديد ما بدي تتغلب ، بتقدر ترجع الحصن القديم ، هداك بجنن وانا بحبه وحلو وخفيف ، حسان الحصن القديم مش الرئيسي ، خلينا نعمل تغيير بالمنتدى بلكي تحرك شوي .. اوك حسان ؟ متى بدك تغيره ؟ اليوم ؟ شو رايك كمان ساعة ؟ او اقلك شو رايك هلا ؟ هههههههههههههه لا بمزح .. ما بتقصر حبيبي انت يا حسان



وتستمر الدردشــــــــات ....

وتستمر الإدارة في تقديم العطاء في جميع الظروف
الصعبة منها والسهلة
في سبيل خدمة اعضاء المنتدى والزوار الكرام
لهدف واحد فقط ليس أكثر
لا لمناصب ولا لشهره ولا لشيء يُذكر
وانما لسبب وحيد وهو :

خدمة الناس جميعا بنشر المعرفة والثقافة والمعلومة والخبر


أرجو أن أكون قد وُفّقت في وضعكم في صورة طبيعة عمل الإدارة
والتعرف اليها اكثر من الداخل

لكم مني أرق تحية


والى اللقاء

[Sc®ipt]

ههههههههههههه
من الآخر والله
و عجبتني عبارة مها (أميرة قوس النصر : هلا فيكي منو هاظ هدوئة ؟)
ههههههههههههههههههه
الله يعطيكو الف عافية

[حسان القضاة]

[align=center]يعطيك العافية هدوء موضوع حلو ومميز وانا كنت حاط ايدي على قلبي بس الحمدلله ما فيه فضايح

الادريين والمشرفين والاعضاء مجهودهم مشكور عم بقدمو خدمة لباقي الاعضاء وزوار الموقع بدون اي مقابل فقط لان ليصبح الحصن بيتنا الكبير الذي جمعنا منارة علم ومعرفة وتزداد روابط الاخوة والصداقة بيننا ككل .

وكون الموضوع عن اداري الحصن لا بد من شكر جميع الاداريين الذين قدمو للحصن للكثير وغابو لظروف خاصة او استثنائية وهم
الملكة"زهرة التوليب" بغيابها خسرنا ركن من اركان المنتدى وحضورها كان استثنائيا بحق .
نادر الطراونة,غسان,العالي عالي,تاج النساء,دموع الورد

وطبعا الشكر للرائع محمود على جهودة الاستثنائة في تطوير المنتدى ومتابعة كل امور وتفاصيل ومشاكل المنتدى محمود مهما قلت او حاولت ان اقول لن اوفية حقة فرغم كل مشاغله وانشغالاته كان المنتدى دائما همه الاول كم قدم وكم ساعد وكم كان الجندي المجهول الذي لا يعرف الاعضاء ماذا قدم ويقدم للحصن ,وللرائعة مها على ما قدمته وتقدمة للمنتدى مها ادارية برتبة لواء فهي من المحاربين القدامى في المنتدى ولحضورها ومداخلاتها وقراراتها دائما عطر مميز ..ولاخر الواصلين لمجلس الادارة الوساده كل الامتنان فخلال فترة قصيرة في مجلس الادارة حازت على ثقة الاعضاء وقدمت وتقدم كل يوم الكثيير من الجهود المميزة فاصبحت ركن من اركان المنتدى ان غابت كل شيء توقف وقد حملت اعباء الادارة لوحدها في الفترة الاخيرة نظرا لغيابنا انا ومها ومحمود لظروف طارئة ووحدها قامت بادورنا جميعا لربما من كثر اهتمامها بمتابعة امور الادارة لم يلحظ الاعضاء غيابنا فكل الشكر للوسادة.

دمتم جميعا بكل خير[/align]

[طوق الياسمين]

حسان الخرفان في ناس احتجت عليهم قال ما تغير توقيعك صار قديم !!

كأنه عرفت مين

كتير حلوين واغلبهم بجننو الحورات ومتل العادة ما فاجئتونا بشخصياتكم الحلوة

[هدوء عاصف]

[align=center]يعطيك العافية هدوء موضوع حلو ومميز وانا كنت حاط ايدي على قلبي بس الحمدلله ما فيه فضايح

الادريين والمشرفين والاعضاء مجهودهم مشكور عم بقدمو خدمة لباقي الاعضاء وزوار الموقع بدون اي مقابل فقط لان ليصبح الحصن بيتنا الكبير الذي جمعنا منارة علم ومعرفة وتزداد روابط الاخوة والصداقة بيننا ككل .

وكون الموضوع عن اداري الحصن لا بد من شكر جميع الاداريين الذين قدمو للحصن للكثير وغابو لظروف خاصة او استثنائية وهم
الملكة"زهرة التوليب" بغيابها خسرنا ركن من اركان المنتدى وحضورها كان استثنائيا بحق .
نادر الطراونة,غسان,العالي عالي,تاج النساء,دموع الورد

وطبعا الشكر للرائع محمود على جهودة الاستثنائة في تطوير المنتدى ومتابعة كل امور وتفاصيل ومشاكل المنتدى محمود مهما قلت او حاولت ان اقول لن اوفية حقة فرغم كل مشاغله وانشغالاته كان المنتدى دائما همه الاول كم قدم وكم ساعد وكم كان الجندي المجهول الذي لا يعرف الاعضاء ماذا قدم ويقدم للحصن ,وللرائعة مها على ما قدمته وتقدمة للمنتدى مها ادارية برتبة لواء فهي من المحاربين القدامى في المنتدى ولحضورها ومداخلاتها وقراراتها دائما عطر مميز ..ولاخر الواصلين لمجلس الادارة الوساده كل الامتنان فخلال فترة قصيرة في مجلس الادارة حازت على ثقة الاعضاء وقدمت وتقدم كل يوم الكثيير من الجهود المميزة فاصبحت ركن من اركان المنتدى ان غابت كل شيء توقف وقد حملت اعباء الادارة لوحدها في الفترة الاخيرة نظرا لغيابنا انا ومها ومحمود لظروف طارئة ووحدها قامت بادورنا جميعا لربما من كثر اهتمامها بمتابعة امور الادارة لم يلحظ الاعضاء غيابنا فكل الشكر للوسادة.

دمتم جميعا بكل خير[/align]

كبير يا حسان من يوم يومك .. انا تعلمت من كتير اشياء من الصعب حصرها هون بيكفي انك انت اللي جمعتنا هون ، وبعرف قديش بتتعب وبتسهر مشان هالمكان يضل قائم ويبقى بأبهى صورة .. و الله بعلم قديش بعزك وبحترمك وبقدرك .. كلك زوق يا كبير

[هدوء عاصف]

حسان الخرفان في ناس احتجت عليهم قال ما تغير توقيعك صار قديم !!

كأنه عرفت مين

كتير حلوين واغلبهم بجننو الحورات ومتل العادة ما فاجئتونا بشخصياتكم الحلوة

زمردة مالك بتشلخي بشعرك

وانا انا بعرف مين اللي طلب مني اغير توقيعي هداك اليوم .. شو رايك توقعي هاد بدو تغيير كمان !!

[طوق الياسمين]

بصراحة اه اشي نيو انت بتعرفني بحب التغيير

[تحية عسكريه]

نشاط غير طبيعي ولا فهمت إشي طبعا لحد لآن أخطاء حاسوبيه للبوس هدوئة عقول هدوله عنفس الوزن أخ لو كنت معكم

[أميرة قوس النصر]

يعطيك الف عافية والله يا هدوء ضحكتني من كل قلبي ههههههههههههههههههه
المصيبة يا جماعه كثير بدخل
بلاقي محمود طارش طلبات وستفسارات وما بعرف شو بكون جاي ع بالي ارد بس متعاجزة اكتب بروح بحط شكل او احيانا بيجي ع بالي اكتب اشي هناك بس ما في اكشن

[الوسادة]

[align=center]ههههههههههههههههههههههههههههههههههههه

ههههههههههههههههههههههههههههههههه

هههههههههههههههههههههههههه


يا ويلي عليك يا ابو الهد اشي نهفة آآآآآخ يا ئلبي


حســــــــــــــــــــــــــــان انا باخد هاد الفصل عند الدكتورة حلوة

ليش هي منيحة و لا لأ ؟؟؟؟؟؟ بس انا حسيت من اول محاضرة انها منيحة و بصراحة ما بتتقارن مع اسعد ههههههه

ردللي خبر بلااااا ازا في مشكلة او ازا بدك ابعتلها سلام [/align]