انا ضايعه

[ملكه الاحساس]

مرحبا يا احلى اعضاء

انا طالبه عمري 16 سنه
بدي اخذ قرار كتير مهم بالحياه انا كتير محتاره و ضايع ما بعرف شو بدي اقرار

هاد اول قرار بدي اخذو بالحياه محتاجه مساعدتكو
حبيت اخذ نصايحكو
و مافي احلي من النصايح

التوضيحات
كمان شهرين راح احدد قراري انا محتاره بين اداره و الصحي ازا راح ادخل اداره راح ادرس هندسه اتصالات بس يحكولي اهلي انو هندسه ما عليه طلب حكولي ادخلي صحي ادرسي صيدله مع العلم انا بحب الصيدله بس هيك يطلعلي كليه بعدين اجسر جامعه كتير بحكولي انو الصحي اصعب من العلمي مابعرف انا كتير خايفه بدي اعرف عن الصحي وكم معدل صيدله
يعني بدي معلومات عن التخصص ؟؟؟؟؟؟؟؟؟؟؟

خابرني شو بيصير معكم

ارجوكم ساعدوني

[shams spring]

ممممممم شوفي هلا انا برأيي ادخلي ادراة احسن ... مجالها اوسع وتخصصاتها احسن
بعدين هندسة الاتصلات بتكون بفرع الادارة المسار التاني يعني هاد المسار رح تدرسي فيع رياضيات وفيزيا العلمي
اما اذا درستي المسار االاول فما بطلعلك هندسة من اصلو

بالنسبة للصحي انا ما عندي فكرة عنو ... بس انا ما بنصحك تدرسي كلية صيدلة وترجعي تجسري لانه الشامل صعب وما رح تقدري تكملي الا اذا جبتي معدل عالي يعني بدو شروط

بس بما انك حابه فهاد القرار برجعلك بس لازم تكوني حاطة في بالك انو تشدي حالك بالجامعة مشان تجيبي معدل عالي بالشامل ليطلعلك تجسري

وعكل اعملي استخارة وشوفي لشو بترتاحي وان شاء الله بيسرلك الخير ^_^

[صديقه بنت الشديفات]

اول شي مرحبا حبيبي ,, كيفك.؟؟

انا بدي اساعدك بشي بسيط الاداره ما بتسمحلك تدرسي هندسات بكافه اشكالها
.. بس هندسه برمجيات وطبعاً لاتعتبر هندسه هي فقط تخصص تابع لكليه تكنولوجيا المعلومات .. يعني هندسه بالاسم


ثانيا الصحكي بتوقع ما بطلعلك صيدله

فلو توخذي بنصيحتي تدرسي علمي .. اذا حابه تدرسي بالجامعه صيدله او هندسه

اما اذا مو حابه العلمي فابعدي عنه وادخلي اداره .. بس لعلمك انه الاداره .. افضل التخصصات اللي بتناسبك بالجامعه هي الاقتصاديه او الحاسوبيه

..

وربي يوفقك ..

[مادلين]

ملكة انا اول تنوي ادارة الادارة كتير منيحة بنصحك ادخليها وحلوة

[rand yanal]

صديقني أنا رأي من رأي شمس لانه .. إذا درستي إدارة المسار الأول ما بنفعك للأسف ,,, والمسار التاني زي كنتك درستي عملي (ورح تكتشفي إنه لو درستي عملي أحسن :\)

بس بما أنك حابه الصيدله شدي حيلك وأدخلي بكالوريس وشيلي فكرت الدبلوم من راسك ,, البكالوريس أفضل بكتير ..

ودي وإحترامي إلك ...

[دموع الغصون]

هلا ما بتصور في اي حد بقدر يساعدك بالقدر يلي بتساعدي حالك فيه
شوفي أنتِ وين نقاط القوة عندك وين نقاط الضعف قدراتك شو بتأهلك وين ميولك وشو حابه أكتر على هالأساس بتختاري
موضوع صيدله أو هندسة اتصالات شوفي انتِ شو حابه اكتر سوق العمل شو محتاج أكتر ظروفك للمستقبل شو بتسمحلك تشتغلي وعلى هالأساس بدك تقرري
يعني نظمي أولوياتك لتقدري تتخذي هيك قرار فيكِ تستعيني بمدرساتك أكيد نظرتهم لمستواكِ العلمي رح تكون شاملة واقعيه ورح يفيدوكِ أكتر
بتمنالك التوفيق و النجاح

[ملكه الاحساس]

يسلموووووووووو كتير صبايا راح اخذ نصا يحكو في عين الاعتبار

شامل شامل صعب ع اغلب راح ادخول اداره

[هدوء عاصف]

بالتوفيق "ملكة الإحساس"

[صديقه بنت الشديفات]

يا صبايا بتوقع انه الاداره المسار العلمي حذفوه,,,

[(dodo)]

ريحي حالك وفوتي ادبي متلي
ههههههههه بمزح اكيد والله اني تندمت لاني دخلته
المهم فوتي ادارة لانه الطلب عليه كتير